Lyrics to Thaniye

തനിയെ മിഴികൾ തുളുമ്പിയോ
വെറുതെ മൊഴികൾ വിതുമ്പിയോ
മഞ്ഞേറും വിണ്ണോരം മഴമായും പോലെ
കുഞ്ഞോമൽ കണ്ണോരം കണ്ണീരും മയേണം
നെഞ്ചോരം കുന്നോളം ചേലേറും കനവുകളുമൊരുപിടി
കാവലായ് വഴി തേടണം ഒരു മാരിവിൽ ചിറകേറണം
ആശതൻ തേരിതിൽ പറന്നുവാനിൽ നീ ഉയരണം
ഇടനെഞ്ചിലെ മുറിവാറണം ഇരുകണ്ണിലും മിഴിവേറണം
നന്മകൾ പൂക്കുമീ പുലരി തേടി നീ ഒഴുകണം
അകതാരിലീ ചെറുതേങ്ങൽ മാഞ്ഞിടും
തിരിനീട്ടുമീ കുളിരോർമ്മകൾ തിരികെവരും
വിരവാകവേ പകലാകവേ കവിളത്തു നിൻ്റെയീ ചിരികാത്തിടാൻ
ഇതുവഴി ഞാൻ തുണയായ് വരാം
ഇനിയെന്നുമേ കുട നീർത്തിടാം
തണലേകിടാം ഒരുനല്ലനേരം വരവേറ്റിടാം
കുഞ്ഞോമൽ കണ്ണോരം കണ്ണീരും മയേണം
നെഞ്ചോരം കുന്നോളം ചേലേറും കനവുകളുമൊരുപിടി
കാവലായ് വഴി തേടണം ഒരു മാരിവിൽ ചിറകേറണം
ആശതൻ തേരിതിൽ പറന്നുവാനിൽ നീ ഉയരണം
ഇടനെഞ്ചിലെ മുറിവാറണം ഇരുകണ്ണിലും മിഴിവേറണം
നന്മകൾ പൂക്കുമീ പുലരി തേടി നീ ഒഴുകണം